05.19.08

Aste kulturala Mamariga eta Las Viñas ikastetxeetan

Atala(k): Sailkatugabeak 2008 Maiatza 19 @ 12:19 Egilea baiesan

Euskara Astea Las Viñas eta Mamariga ikastetxeetan

Berriro ere gure herriko haurrek klasez kanpoko ekintza andana izango dute euskaraz murgiltzeko. Aste honetan astelehenetik ostiralera egunero izango dute zerbait Itsasoko Ama eta Las Viñas ikastetxeetako ikasleek.

Zergatik? Bada bi eskola hauek Euskara Aste bana antolatu dutelako aste honetarako. Eskaintza ezin zabalagoa da eta ,besteak beste, honelako emankizunak egongo dira ikusgai: Magoak, antzerkiak, jolasak, ipuin kontalariak, herri kirolak…

Ezin esan aukera hau aparta ez denik, eta hemendik animatzen zaituztegu zuen umeekin honelako ekimenetan parte hartzera. Pentsa ezazue ondo, izan ere, eskolatik at non dute bada Santurtziko haurrek euskaraz jarduteko abagunea?.

Gorago aipatu legez, egitarauak ikaragarri zabalak dira eta informazio gehiagorik nahi baduzue: Mamarigako Eskolak antolatutakoa jakiteko idatzi 014418aa@hezkuntza.net helbidera  eta Las Viñas eskolak zer duen jakiteko idatzi 014413aa@hezkuntza.net    helbidera

Lotura iraunkorra Iruzkinak

05.12.08

Laburmetraiak euskaraz

Atala(k): Sailkatugabeak 2008 Maiatza 12 @ 15:05 Egilea baiesan

Iaz bezala, aurten ere izango dugu Santurtzin euskarazko film laburrren emanaldia. Topaguneak sustatzen duen ekimen honek bosgarren edizioa beteko du Euskal Herrian eta bigarrena Santurtzin, esan bezala.

Hamar izango dira guztira filmak eta berauen artean, hiru Ikus-entzunezkoen Rallyan irabazle suertaturikoak dira. Klik egin hemen  eta ikusi ahal izango duzue guztien izenburuak.

Aurten, gainera, nobedade handia izango dugu Santurtzin. Izan ere, film hauetako egile baten presentzia izango dugu, Gentzane Agirre lekeitiarrarena. Bera gurekin izango da solsalditxo bat izateko prest, bere filmaren inguruan.

Arrazoi asko duzu, beraz, ostegun honetan, hilak 15, tartetxo bat egiteko zure agendan eta Kresala Kultur Aretora hurbiltzeko iluntzeko 8etan.

Lotura iraunkorra Iruzkinak

Koldorekin igarotako tartea

Atala(k): Sailkatugabeak 2008 Maiatza 12 @ 12:34 Egilea baiesan

Agian bati baino gehiagori larregizko konfiantza hartzea irudituko zaio, baina zer demontre, dagoeneko hiru urte jarraian dira geure herrian antzezten hasi zenetik, eta Koldok erritmo honi eusten badio geurera etortzen jarraituko du.

Argazkietan ikusiko duzuenez, aretoa ia-ia jendez bete zen eta bertan egon ginenok lilura handiz entzun genituen Koldoren ipuinak. Bere kontakizunetan beti agertzen den Ibarsola herrira abiatu ginen  belarriak adi eta begiak zabal-zabalik, bertako zoko-moko guztiak ondo baino hobeto arakatu gura baikenituen. Eta emaitza ezin oparoagoa izan zen, izan ere bertako herritarren sekretuak ezagutu genituen, eta akaso, hurrengo txangoren baten harako bidea hartuko dugu, hain da magiko eta txundigarria Koldo Ameztoyren ipuinetako herria!!

Lotura iraunkorra Iruzkinak

05.09.08

Erakusketa ikusgai dago

Atala(k): Sailkatugabeak 2008 Maiatza 9 @ 13:19 Egilea baiesan

Gaur goizetik irekita dago Udal Euskaltegiaren bigarren solairuan KOntseiluaren Erakusketa Ibiltaria. Igande iluntzera bitartean egongo da ikusgai.

Hona hemen erakusketa osatzen duten elementuak:

- Panel handi bat

- Sei panek ertain

- Dokumentala

- Ordenagailu bidezko power point batean 10 urteko ibilibidearen laburpena.

ORDUTEGIA:

Ostiralean, egun osoz, gaueko 10ak arte.

Larubatean eta igandean: Goizean 11etatik 14etara  Arratsaldean, 17etatik 20etara.

Lotura iraunkorra Iruzkinak

05.05.08

Koldo Ameztoy Santurtzin

Atala(k): Sailkatugabeak 2008 Maiatza 5 @ 21:16 Egilea baiesan

Berriro ere Koldo Ameztoy ipuin kontalari zoragarria Kresala Aretoan egongo da asteazken honetan (maiatzak 7) arratsaldeko 20:00etan AEK-k antolatua.

Ipuinak gustatzen bazaizkizue, hitzordu ona duzue Koldorekin, baina honez gain, musika, xarma eta Ameztoyren ipuinek dituzten ikasbide apartak atsegin badituzue, ezingo duzue huts egin.

Behin ikusi dugunok errepikatu beharrean gaude, eta txoritxo batek esan dit laugarren aldiz ikusteko irrikan dagoela!!

Hau da hau ipuin zaletasuna!! Izan ere, Koldo Ameztoy ezagun dugu bere emanaldietan sortzen duen giro magiko eta atseginagatik, baita ikusleak aho bete hortz gerarazteko duen gaitasunarekin ere. Hortaz, Santurzin euskaraz zenbat gauza egiten ari diren ikusita, hau beste urrats txiki bat izango da euskara plazara irten dadin.

Lotura iraunkorra Iruzkinak

05.02.08

Kontseiluaren Erakusketa Ibiltaria Santurtzin

Atala(k): Sailkatugabeak 2008 Maiatza 2 @ 16:40 Egilea baiesan

Hamar urte bete Euskararen Gizarte Erakundeen Kontseiluak. Proiektuz eta lanez beteriko hamarkada oparo hau ospatzeko hainbat ekitaldi antolatu ditu Kontseiluak, magusiena abenduaren 10ean BECen egingo duena.

Baina bitartea badira beste batzuk. Eta hauetariko bat, hamar urteotan buruturiko lanaren laburpen gisa antolatu duen Erakusketa Ibiltaria.

Erakusketa ikusgarri hau (nagusiki euskarri informatikoz osatua) Santurtzin ikusteko aukera izango dugu maiatzaren 9tik 11ra Santurtziko Udal Euskaltegian. Ostiral arratsaldean hasi eta igandera bitartean ikusteko parada izango dugu, goiz eta arratsaldeko ordutegian.

Ez galdu aukera eder hau, oso herri gutxik izango baitute.

Lotura iraunkorra Iruzkinak

04.23.08

Irakurri, gozatu eta oparitu… Santurtzin

Atala(k): Sailkatugabeak 2008 Apirila 23 @ 20:26 Egilea baiesan

Gaur, apirilak 23, Gorka Deuna, Santurtziko zaindariaren eguna eta liburuaren eguna. Iaztik hona data honek balio erantsia du gure herrian. Izan ere, iaz hasi ginen ospatzen eta antolatzen gure herrian “Irakurri, gozatu eta oparitu” ekimena.

Proiektua berez Topagunea-k antolatu du, baina gure herrira “BAI ESAN” taldeak ekarri du Udaleko Kultura eta Euskara Sailaren laguntzarekin.

Guztira, 17 herrik parte hartu dute Euskal Herri mailan eta hemen aurkituko duzue proiektu nagusiaren berri eta beste lotura honetan Santurtzikoarena.

Ideia sinplea bezain erakargarria da. Hona hemen pausuak:

1. Kagonilloseko Liburutegi Nagusira joan.

2. Euskarazko liburu bat aukeratu, bai gomendatuen artetik (propio jarritako apal batean aurkituko dituzue) edo liburutegiko beste edozein. Sarreran ordenagailua izango duzu Topagunea-ko loturarekin.

3. Liburu bat maileguan hartu. 15 egun izango dituzu irakurtzeko.

4. Liburua irakurrita, liburutegian itzuli eta bertan emango dizuten fitxa bat bete. Bertan adieraziko duzu liburua zer iruditu zaizun. Fitxak adinaren arabera daude berezituta, bi urtekoeentzat hasita.

5. Fitxa irakurrita, deskontu txartela emango dizute. Deskontu txartel honekin euskarazko edozein liburu erosi ahal izango duzu Temas edo Begoña liburudendan. “Temas” Pagazaurtundua kalean eta “Begoña” Mamarigan daude. Deskontua %25ekoa izango da; baina, adi!, “Bai Esan”eko bazkidea bazara %50ekoa izango da.

Kanpainaz gozatzeko hiru hilabete, hiru!, dauzkazu. Baina ez itxaron azken egunera arte. Edonola ere, irakurtzeaz bizitza osoa goza dezakezu.

Lotura iraunkorra Iruzkinak

04.22.08

Pou anaiak Santurtzin

Atala(k): Sailkatugabeak 2008 Apirila 22 @ 10:32 Egilea baiesan

Pou anaiak ezagunak dira gauzatu dituzten balentriengatik, helarazi dizkiguten irudi zoragarriengatik. Denok zur eta lur utzi gaituzte hainbat urtetan hautsi eta birrindu dituzten markei esker, eta gainera, mendizale edota eskaladazalea bazara, ezin duzu aukera paregabe hau galdu!!

Ostiral honetan, apirilak 25, eta AEK-k antolaturik, Kresala aretoan izango ditugu ZAZPI PARETA, ZAZPI KONTINENTE ikus-entzunezko hitzaldia ezkaintzeko prest. Arratsaldeko 20:00etan izango da eta eskuetan zabaltzen bide den magnesio hori usaintzen hasita nago!!

Hortaz, euskaraz bizi nahi baduzue, erdarak jartzen dizkigun hormak ere gainditu beharko ditugu!!

Lotura iraunkorra Iruzkinak

Haurrentzako txotxongiloak eta berbenak

Atala(k): Sailkatugabeak 2008 Apirila 22 @ 10:30 Egilea baiesan

San Jorge jaien harira, haurrek beste aukera bat izango dute etxetik kanpo atera eta euskaraz gozatzeko. Udaletxeak atonduriko egitarauan bi ospakizun hauek nabarmendu ditugu:

-ANE MONNA, OSKOLA ETA KARRAMARROI musika eta antzerkia txotxongiloek lagundurik. Apirilak 25 ostirala, J.J. Mendizabal plazan arratsaldeko 19:00etan.
-KUKO, TRUKO ETA BOLENWAIDER haurrentzako berbena. Apirilak 26 larunbata, J.J. Mendizabal plazan arratsaldeko 19:00etan.

Hauek dira San Jorge jaiek umeei emango dien azken oparitxoa, eta jakina, aprobetxatu beharra dago.

Lotura iraunkorra Iruzkinak

04.18.08

Atton Irustarekin igarotako unea

Atala(k): Sailkatugabeak 2008 Apirila 18 @ 10:44 Egilea baiesan

Atzo Bai Esan taldeari esker Antton Irusta ikusten egon ginen. Anttonekin gozatzen eta ipuinak irudikatzen ibili ginen. Areago, Anttonek bere ipuinen parte sentiarazi gintuen, kresala aretoan bildu ginen guztiok protagonista eta ipuin bihurtu baikintuen. Modu xarmangarrian, denok zerbait dugula kontatzeko erakutsi zigun. Eta honez gain, ostegun bukaera ederra eskaini zigun berarekin egotearen truke.

Emanaldi bikaina, sentibera eta samurtasunez betetakoa. Hau gutxi balitz, 3. mailako azterketaren atarian dauden ikasleei aditz eta sinonimoekin birpasa galanta egiten lagundu zien.

Lotura iraunkorra Iruzkinak